APA-nın “Anadolu” agentliyinə istinadən verdiyi məlumata görə, bunu Türkiyənin xarici işlər naziri Mövlüd Çavuşoğlu Krım Tatarlarının sürgününün 71-ci il dönümü çərçivəsində Kiyevdə təşkil edilən anım mərasimində bəyan edib.
Krım Tatarlarının 1989-ci ildən etibarən ana vətənlərinə dönməyə başladığını qeyd edən D.Çavuşoğlu, onların bu müddətdə göstərdikləri cəsarət və qətiyyətini bütün dünya xalqlarına nümunə olduğunu bildirib.
Ukraynanın ərazi bütövlüyünün pozulduğunu, Krımın qeyri-qanuni şəkildə ilhaq edildiyini vurğulayan Çavuşoğlu deyib: "Krım Tatarları yeni çətinliklərlə qarşı-qarşıya qalıb. Krım Tatarlarının məqsədi insan qüruruna yaraşan bir şəkildə yaşamaq və millət kimi var olmaqdır. Kırımın qeyri-qanuni ilhaqını tanımırıq və tanımayacağıq. Krım tatarı soydaşlarımıza dəstəyimizi davam etdirəcəyik. Ukrayna ilə birlikdə haqlı mübarizədə yanlarında olmağa davam edəcəyik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
