Sahibkarlıq

Ana səhifə

Sahibkarlıq

Azərbaycanda iaşə dövriyyəsinin həcmi son bir ildə 17% artıb

18 may 2012 12:04 (UTC +04:00)

Bakı. Nicat Mustafayev – APA-Economics. Bu ilin yanvar-aprel ayları ərzində Azərbaycanda iaşə dövriyyəsinin həcmi əvvəlki ilin müvafiq dövrü ilə müqayisədə 17,3% artaraq 173,7 mln. manat təşkil edib.

Dövlət Statistika Komitəsindən «APA-Economics»ə verilən məlumata görə, bu dövrdə özəl sektorda iaşə dövriyyəsinin 48,2%-i hüquqi şəxs statuslu müəssisələrin, 51,8%-i hüquqi şəxs yaratmadan sahibkarlıq fəaliyyəti göstərən fərdi sahibkarların fəaliyyəti sayəsində formalaşıb: «Hüquqi şəxs statuslu müəssisələrdə iaşə dövriyyəsinin həcmi ötən ilin müvafiq dövrünə nisbətən 9,8% artaraq 85,9 mln. manata çatıb».