İnfrastruktur

Ana səhifə

İnfrastruktur

Azərbaycan Dövlət Əmlakının İdarə Edilməsi üzrə Dövlət Komitəsində 2008-ci ilin birinci yarısının yekunlarına həsr olunmuş müşavirə keçirilib

11 avqust 2008 10:13 (UTC +04:00)

Bakı. Rəşad Süleymanov – APA-Economics. Azərbaycan Dövlət Əmlakının İdarə Edilməsi üzrə Dövlət Komitəsində (DƏİEDK) dövlət əmlakının idarə edilməsi və özəlləşdirilməsi sahəsində 2008-ci ilin birinci yarısında görülmüş işlərə həsr olunmuş müşavirə keçirilib. DƏİEDK-in mətbuat xidmətindən «APA-Economics»ə verilən məlumata görə, Komitə sədri Kərəm Həsənov qeyd edib ki, komitə tərəfindən dövlət əmlakının özəlləşdirlməsi prosesində səmərəliliyin və şəffaflığın artırılması, özəlləşdirmənin sürətləndirilməsi və dövlət əmlakının idarə edilməsinin təkmilləşdirilməsi məqsədi ilə 25-ə yaxın normativ hüquqi sənədin layihələri hazırlanıb.

Hesabat dövründə «Azercell Telecom» müştərək müəssisəsində dövlətə məxsus payın özəlləşdirilməsi və «Kapital Bank» ASC-nin iki mərhələdə dövlətsizləşdirilməsi və özəlləşdirilməsi başa çatdırılıb. «Azərboru» və «Bakıelektriktökmə» səhmdar cəmiyyətlərinin özəlləşdirməqabağı sağlamlaşdırılması və restrukturizasiyası ilə bağlı təkliflər hazırlanıb.

Bakıda və rayonlarda aparılan araşdırmaların nəticəsində ümumilikdə 314 müəssisə və obyektin yerləşdiyi dövlət torpaq sahələrində 480 halda qeyri-qanuni tikinti və yenidənqurma işlərinin aparılması, torpaq sahələrinin qanunsuz icarəyə və istifadəyə verilməsi halları müəyyən edilib. Cari ilin ilin birinci yarısında 5404 müəssisə və təşkilatlardan 2-Əmlak nömrəli statistik hesabat, sərəncamda olan 200-ə yaxın müəssisə və təşkilat, habelə 400-ə yaxın səhmdar cəmiyyəti tərəfindən balans hesabatları qəbul edilərək təhlil olunub.

Bu müddətdə nizamnamə kapitalında dövlətə məxsus səhmləri olan 460-a yaxın səhmdar cəmiyyəti və 210-a yaxın dövlət müəssisəsinin əmlakının inventarizasiyası aktları təqdim edilib. Komitə tərəfindən 82 səhmdar cəmiyyəti və dövlət müəssisələrində dövlət əmlakının qorunub saxlanılması və ondan səmərəli istifadə vəziyyətinin monitorinqi keçirilib. İyulun 1-i tarixinə dövlət əmlakının Dövlət Registri məlumatlarına görə, 6400-ə yaxın hüquqi şəxs statuslu dövlət müəssisəsi və onların filiallarının malik olduğu 110 minə yaxın daşınmaz əmlakları barədə məlumatlar qeydiyyata alınıb. Əlavə olaraq 5206 özəlləşdirilmiş müəssisə, filiallar və 44 minə yaxın özəlləşdirilmiş dövlət əmlakı haqqında məlumatlar Registrə daxil edilib.

DƏİEDK-də yaradılmış Məlumat Bankına 8500-ə yaxın müəssisə və obyektin yerləşdiyi dövlət torpaq sahəsi barədə məlumatlar daxil edilib. Hesabat dövründə 600-ə yaxın qeyri-yaşayış sahələri icarəyə verilib. Bağlanılmış icarə müqavilələri üzrə icarə haqqı borcunu ödəməyən icarəçilərə qarşı bu il ərzində məhkəmələrdə 340 iddia qaldırılıb.

DƏİEDK