İnfrastruktur

Ana səhifə

İnfrastruktur

2008-ci ilin ilk yarısında daşınmaz əmlakın texniki pasportunun tərtibi sahəsində ötən ilin müvafiq dövrünə nisbətən 55% artım qeydə alınıb

12 avqust 2008 08:37 (UTC +04:00)

Bakı. Rəşad Süleymanov – APA-Economics. Azərbaycan Daşınmaz Əmlakın Dövlət Reyestri Xidməti (DƏDRX) tərəfindən cari ilin birinci yarısında 46 841 daşınmaz əmlak obyektinin texniki inventarlaşdırılması aparılıb və bu qədər sayda texniki pasport hazırlanaraq hüquq sahiblərinə təqdim edilib. Bu barədə «APA-Economics»ə DƏDRX-in mətbuat xidmətindən məlumat verilib.

İlin birinci yarısında texniki pasportu tərtib edilən daşınmaz əmlak obyektlərindən 13 059-u fərdi yaşayış və bağ evi, 11 438-i mənzil, 20 284-ü torpaq sahəsi, 1 046-sı qeyri yaşayış binası, 754-ü qeyri-yaşayış sahəsi, 106-sı əmlak kompleksi, 12-si çoxmərtəbəli yaşayış binası, 142-si çoxillik əkmələrdir.
Cari ildə texniki inventarlaşdırılması aparılmış daşınmaz əmlak obyektlərindən 11 805-i Bakı şəhərinin, 35 036-ı isə regionların payına düşüb.

Hesabat dövründə Gəncədə 2 650, Sumqayıtda 3 697, Abşeron rayonunda 4 787, Lənkəranda 1 846, Şəkidə 1 815 daşınmaz əmlak obyektinin texniki inventarlaşdırılması aparılıb. Şirvan şəhəri üzrə bu rəqəm 543, Hacıqabul rayonu üzrə 72, Göygöl rayonu üzrə 1169, Daşkəsən rayonu üzrə 286, Samux rayonu üzrə 656, Xızı rayonu üzrə 85, Siyəzən rayonu üzrə 266, Beyləqan rayonu üzrə 482, Ağcabədi rayonu üzrə 276, Füzuli rayonu üzrə 51, Bərdə rayonu üzrə 690, Ağdam rayonu üzrə 32, Tərtər rayonu üzrə 141, Goranboy rayonu üzrə 210, Naftalan şəhəri üzrə 69, Qəbələ rayonu üzrə 1 102, Oğuz rayonu üzrə 255, İsmayıllı rayonu üzrə 884 olub.

Bu dövrdə Yevlax rayonu üzrə tərtib edilən texniki pasportların say göstəricisi 477-ə, Ağdaş rayonunda 186-ya, Mingəçevir şəhərində 884-ə, Astara rayonunda 219-a, Lerik rayonunda 55-ə, Cəlilabad rayonunda 298-ə, Masallı rayonunda 304-ə, Yardımlı rayonunda 29-a, Sabirabad rayonunda 256-ya, Saatlı rayonunda 73-ə, İmişli rayonunda 240-a çatıb.

Xatırladaq ki, 2007-ci ilin müvafiq dövrü ilə müqayisədə 2008-ci ilin birinci yarısında daşınmaz əmlakın texniki pasportunun tərtibi sahəsində 55% artım qeydə alınıb.

DƏDRX