İnfrastruktur

Ana səhifə

İnfrastruktur

«Azercell»in prezidenti «Azerfon»un ittihamlarını rədd edib

23 sentyabr 2008 15:10 (UTC +04:00)

Bakı. İlhamə İsabalayeva – APA-Economics. Azərbaycanın aparıcı mobil rabitə xidmətləri şirkəti olan «Azercell Telecom» şirkəti artıq bir ildir ki, ölkədə 3G texnologiyası üzrə mobil xidmətlər göstərməyə tam hazırdır. «APA-Economics»in məlumatına görə, bunu «Azercell»in prezidenti Halim Ateş deyib.
H.Ateşin sözlərinə görə, bu xidmətlərə başlamaq üçün Rabitə və İnformasiya Texnologiyaları Nazirliyi şirkətə tezlik ayırmalıdır. Bunun üçün dəfələrlə RİTN-ə müraciət etdiklərini deyən H.Ateş «Azerfon» və «Azercell» abunəçiləri arasında mobil rabitə xidmətinin pisləşməsinə görə onun rəhbərlik etdiyi şirkəti günahlandırmasını da düzgün saymır: «Hər kəsin özünə görə etikası var. Hər kəs qarşısındakını özü kimi bilir. On iki ildir ki, Azərbaycandayıq. Bizdən heç vaxt belə şey esitməmisiniz. Bu, operatorlar arasında olan problemdir. Amma bunun həlli yolları var».
Qeyd edək ki, «Azerfon» şirkəti («Nar Mobile» ticarət nişanı) bir necə gün əvvəl yaydığı məlumatda «Azercell» nömrələrinə zəng edən abunəçilərinin rabitə yaratmaqda çətinlik çəkdiyini bildirib. Şirkət sistemdə keyfiyyətin pisləşməsinin «Azercell»in şəbəkəsində yaranan problemlərdən irəli gəldiyini bəyan edib.