İnfrastruktur

Ana səhifə

İnfrastruktur

Bakıda də «İctimai informasiya mərkəzləri infrastrukturunun yaradılması: problemlər və perspektivlər» mövzusunda dəyirmi masa keçiriləcək

12 dekabr 2008 13:58 (UTC +04:00)

Bakı. Nicat Mustafayev – APA-Economics. Bu ilin dekabr ayının 15-də Multimedia İnformasiya Sistemləri və Texnologiyaları Mərkəzinin təşkilatçılığı ilə «İctimai informasiya mərkəzləri infrastrukturunun yaradılması: problemlər və perspektivlər» mövzusunda dəyirmi masa keçiriləcək.
Multimedia İnformasiya Sistemləri və Texnologiyaları Mərkəzindən «APA-Economics»ə verilən məlumata görə, tədbirdə Azərbaycanda informasiya azadlığının gerçəkləşməsi üçün qanunvericilikdə yaradılması nəzərdə tutulan ictimai informasiya mərkəzlərinin formalaşması sahəsində mövcud vəziyyət və problemlər ətrafında müzakirələr aparılacaq. İctimai informasiya mərkəzləri infrastrukturunun yaradılması ilə bağlı Multimedia Mərkəzi tərəfindən hazırlanan təkliflər təqdim olunacaq. Təbirdə həmçinin dövlət qurumları tərəfindən elektron formada təqdim olunan xidmətlərin monitorinqinin nəticələri açıqlanacaq.
Dəyirmi masada hökumət qurumlarının nümayəndələri, müstəqil ekspertlər, özəl və ictimai sektorun təmsilçiləri, beynəlxalq təşkilatların nümayəndələrinin iştirakı nəzərdə tutulur.
Qeyd edək ki, tədbir QHT-yə Dövlət Dəstəyi Şurası tərəfindən dəstəklənən «İnformasiya azadlığının inkişafı üçün çevik və effektiv mexanizmlərin yaradılması» Layihəsi çərçivəsində keçirilir.