İnfrastruktur

Ana səhifə

İnfrastruktur

Azərbaycanın rabitə və informasiya texnologiyaları naziri Vyananın icra hakiminin müavinini qəbul edib

20 sentyabr 2011 10:50 (UTC +04:00)

Bakı. Nicat Mustafayev - APA-Economics. Azərbaycan Rabitə və İnformasiya Texnologiyaları Nazirliyində Azərbaycanda səfərdə olan Vyananın (Avstriya) icra hakiminin müavini xanım Renate Braunerin rəhbərlik etdiyi nümayəndə heyəti ilə görüş keçirilib.

Nazirlikdən «APA-Economics»ə verilən məlumata görə, görüşdə rabitə və informasiya texnologiyaları naziri, Azərbaycan-Avstriya hökumətlərarası komissiyanın həmsədri Əli Abbasov ölkədə İKT sektoru üzrə həyata keçirilən tədbirlər barədə məlumat verib.

Nazir ölkədə İKT sahəsində qeydə alınan yüksək inkişaf fonunda hər iki ölkə arasında əlaqələrin daha da inkişaf edəcəyini bildirib. Azərbaycanla Avstriya arasında hökumətlərarası əlaqələrin yüksələn xətt üzrə inkişaf etdiyini qeyd edən Ə.Abbasov təşkil olunan biznes-forumun hər iki ölkənin İT şirkətləri üçün yeni imkanlar açacağını vurğulayıb.

Öz növbəsində R.Brauner Bakıda keçirilən biznes-forumu Avstriyanın federal prezidenti Hayns Fişerin oktyabrın 11-12-də Azərbaycana rəsmi səfəri üçün hazırlıq xarakteri daşıdığını qeyd edib. R.Brauner hər iki ölkə arasında iqtisadiyyat, mədəniyyət, turizm və təhsil sahəsi ilə yanaşı, informasiya texnologiyaları sahəsində də əlaqələrin daha da inkişaf etdirilməsi, ayrı-ayrı şirkətlər arasında əməkdaşlıq perspektivlərinin müəyyən olunmasında əlverişli şərait yarandığını bildirib.