Rusiyanın "Aeroflot" aviaşirkəti yay mövsümünün ortalarında beynəlxalq sərnişin aviadaşımalarını bərpa edə bilər.
"APA-Economics"in məlumatına görə, bunu "Rusiya 24" telekanalına "Aeroflot"un rəsmisi Yuliya Spivakova deyib.
Onun sözlərinə görə, bu, şirkətin nikbin proqnozudur, beynəlxalq uşuların dəqiq bərpası tarixi hələ bilinmir. Şirkət təyyarələrin gücləndirilmiş dezinfeksiyasını lazım olduğu qədər davam etdirəcək.
Qeyd edək ki, koronavirus pandemiyası səbəbindən Rusiya martın 27-dən etibarən beynəlxalq sərnişin aviadaşımalarını dayandırıb.