Bu cür tədbirlərin keçirilməsi Azərbaycanın investisiya imkanlarının beynəlxalq investorlar qarşısında təqdim olunması baxımından əhəmiyyətlidir.
Bunu iş adamı Emin Ağalarov II Azərbaycan Beynəlxalq İnvestisiya Forumu çərçivəsində APA-ya açıqlamasında deyib.
O bildirib ki, tədbirin Prezident İlham Əliyev tərəfindən açılması və ölkədəki investisiya imkanlarının dövlət başçısı tərəfindən təqdim edilməsi forumun əhəmiyyətini daha da artırır.
“Enerji sektorundan – neft və qazdan əlavə, düşünürəm ki, inkişaf da prioritet istiqamətlərdən biridir. Prezidentin özü belə tədbirlərin açılışında iştirak edərək ölkəyə investisiya imkanlarından danışanda, bu, tədbirin əhəmiyyətini vurğulayır”, – Emin Ağalarov qeyd edib.
Emin Ağalarov forumda "Sea Breeze Azerbaijan" layihəsini beynəlxalq investisiya fondlarına təqdim etmək məqsədilə iştirak etdiyini bildirib.
O, forumun təşkilatçılığını da yüksək qiymətləndirib: “Möhtəşəmdir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
