Bakı. Vüsal Nəbiyev - APA-Economics. Azərbaycanda hökm sürən qarlı hava şəraiti ilə əlaqədar “Azəryolservis” ASC-də qaynar xətt fəaliyyətə başlayıb.
Bu barədə “Azəryolservis” ASC-nin mətbuat xidmətinin rəhbəri Pünhan Mürsəliyevin “APA-Economics”ə açıqlamasında bildirib.
Qurum rəsmisi bildirib ki, “Azəryolservis” ASC-də 24 saat ərzində fəaliyyət göstərən növbətçilər çalışır. “Onlar avtomobil yollarındakı vəziyyət və görülən işlərlə barəsində məlumatları qeydə alırlar. Əgər kimsə avtomobil yollarındakı vəziyyətlə bağlı hər hansı məlumat vermək istəsə (012) 493-76-17 və (012) 499-79-14 nömrələrinə zəng etməklə növbətçilərlə əlaqə saxlaya bilər”, - deyə P. Mürsəliyev bildirib.
Qeyd edək ki, P. Mürsəliyev qışa hazırlığın artıq dekabr ayında sona çatdığını bildirib və əlavə edib ki, ilkin mərhələ üzrə 25 000 kub metr qum, 2 300 ton duz, 1050-yə yaxın texnika tam hazır vəziyyətdədir.
Bundan əlavə hər bir yol-istismar mərkəzində 24 saat çalışan növbətçi briqadalar mövcuddur ki, yollarda yaranmış hər hansı problemlə bağlı dərhal müdaxilə edirlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
