Bakı. Aynur Əliyeva - APA-Economics. ABŞ ərazisində müşahidə olunan qeyri-stabil hava şəraitinin hökm sürməsinə baxmayaraq, Bakı-Nyu-York-Bakı istiqamətində aviareyslər qrafikə uyğun olaraq yerinə yetirilir.
Heydər Əliyev Hava Limanından "APA-Economics"ə bildiriblər ki, reyslərin həyata keçirilməsində hələlik heç bir gecikmə qeydə alınmayıb.
Qeyd edək ki, Nyu-York şəhərinin Kennedi hava limanına reyslər hər həftə bazar ertəsi, çərşənbə və şənbə günləri yerinə yetirilir. Bakıdan uçuş yerli vaxtla saat 06: 00-da, Nyu-Yorkda enmə isə yerli vaxtla saat 09:30-da həyata keçir.
Əks-istiqamətdə uçuşlar həftənin eyni günlərində saat 11:30-da həyata keçirilir, Bakıda enmə isə növbəti gün saat 08:00-da baş tutur.
Reyslər “Airbus-A 340” tipli təyyarələrlə yerinə yetirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
