Bakı. Vüsal Nəbiyev - APA-Economics. 2015-ci ildə "AvtoVAZ" xaricə 28 461 ədəd "Lada" ixrac edib.
"APA-Economics" xəbər verir ki, 2014-cü illə (23 330 ədəd) müqayisədə Rusiyanın avtomobil istehsalçısı ixracı 45% azaldıb.
Qazaxıstan "AvtoVAZ" üçün əsas xarici bazar olaraq qalır. Ötən il Qazaxıstana 14 278 ədəd "Lada" ixrac olunub ki, bu da illik müqayisədə 65,9% azalma deməkdir.
Hesabat dövründə Azərbaycana 4 690 ədəd "Lada" idxal olunub ki, bu da 2014-cü illə müqayisədə 1,4 dəfə çoxdur.
TOP-5 idxalçı ölkələr siyahısına Misir, Ukrayna və Almaniya da daxildir.
Cari ilin I rübündə isə "AvtoVAZ" öz avtomobillərini əsasən Belarus, Almaniya, Azərbaycan və Macarıstana ixrac edib. "AvtoVAZ" bildirir ki, bu ilin ilk 3 ayında ötən ilin müvafiq dövrü ilə müqayisədə Azərbaycanda satışlar 20,6% azalaraq 527 ədəd avtomobilə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
