Bakı. Rəşad Süleymanov – APA. Azərbaycan Müdafiə Sənayesi Nazirliyi (MSN) gələn il DVB-T dekoderlərinin istehsalını artırmağı planlaşdırır. Bu barədə APA-ya MSN-dən məlumat verilib.
Sərgidə nümayiş olunan «Peyk» adlı dekoderin istehsalına MSN-in eyni adlı zavodunda 2013-cü ildən başlanıb. Dekoderlər daxili bazarda satışda mövcuddur.
Nazirlikdə hesab edirlər ki, rəqəmsal yayıma tam keçildikdən sonra dekoderlərə tələb daha da çoxalacaq. Əlavə olaraq, müəyyən kateqoriyadan olan ailələrin dövlət hesabına DVB-T dekoderlərlə təmin olunmasına dair təkliflər mövcuddur. Hazırda hökumətdə baxılan bu təklif qəbul olunacağı təqdirdə sifarişlər «Peyk» zavodunda yerinə yetiriləcək.
Qeyd edək ki, sosial paketə daxil olan kanallara baxmaq üçün nəzərdə tutulan dekoderlər sınaqdan uğurla keçib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
