Bakı. Aqşin Rafiqoğlu - APA-Economics. Bu ilin yanvar-may aylarında Azərbaycanda tikinti materialları sənayesi sahəsində istehsal edilmiş məhsulların həcmi 17,6% artaraq 172,5 mln. manat təşkil edib.
“APA-Economics”in Dövlət Statistika Komitəsinin statistik hesabatına istinadən verdiyi məlumata görə, bu il Azərbaycanda sement istehsalı ötən illə müqayisədə 7,7% artıb. Belə ki, bu ilin beş ayında ölkədə 1 196,3 min ton sement istehsal edilib. Nəticədə bu ilin iyunun 1-ə 61,7 min ton hazır məhsul ehtiyatı qalıb.
Bu müddət ərzində 77,2 min ton tikinti gipsi istehsal edilib ki, bu da ötən ilin yanvar-may ayları ilə müqayisədə 3,4% çoxdur. Nəticədə bu ilin iyunun 1-ə 3,3 min ton hazır məhsul ehtiyatı qalıb.
Bu ilin beş ayında ölkədə emal edilmiş mərmər, travertin, alebastr və onlardan məmulatlarının istehsalı 3,5 dəfə artaraq 5 103,5 ton olub.
Əvəzində son 1 ildə ölkədə asfalt istehsalı 31% azalıb və 94,8 min ton olub. İlin beş ayı ərzində betondan yığma tikinti konstruksiyaların istehsalı 51,4% azalaraq 6,8 min kubmetr olub. Hörmə üçün hazır beton qarışığının istehsalı 26,3% azalaraq 451,7 min ton təşkil edib.
Yanvar-may aylarında tikinti kərpicinin istehsalı da 6,8% azalıb. Belə ki, bu ilin beş ayında ölkədə 96 min kubmetr tikinti kərpici istehsal edilib. Nəticədə bu ilin iyunun 1-ə 3,4 min kubmetr hazır məhsul ehtiyatı qalıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
