Azərbaycanda yerli əhəmiyyətli avtomobil yollarının sayı artıb.
APA-nın məlumatına görə, Nazirlər Kabineti bununla bağlı “Azərbaycan Respublikasının yerli əhəmiyyətli avtomobil yollarının Siyahısı”nda müvafiq dəyişiklik edib.
Dəyişikliyə əsasən uzunluğu 15 km olan Siyəzən-Məşrif yolu yerli əhəmiyyətli avtomobil yollarının siyahısına daxil edilib.
Qeyd edək ki, prezident İlham Əliyevin 2012-ci il 11 iyun tarixli Sərəncamına əsasən yolun tikintisinə ilkin olaraq 7 milyon, daha sonra 5,7 milyon manat vəsait ayrılıb. 2012-ci ilin oktyabrında başlamış tikinti işləri 2015-ci ilin mayında yekunlaşıb, həmin il avqustun 8-də prezident İlham Əliyev Siyəzən-Məşrif avtomobil yolunun açılışında iştirak edib. Bu yol Siyəzən rayonun 20 yaşayış məntəqəsini birləşdirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
