Bakı. Aynur Əliyeva - APA-Economics. Bakı Dairəvi avtomobil yolunun Biləcəri enişinə düşən hissəsində qum daşıyan “Shacman” nəqliyyat vasitəsinin qəza törətməsi yol təsərrüfatına ciddi ziyan vurub.
Bu barədə “APA-Economics”ə Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyev bildirib.
Onun sözlərinə görə, ağır tonnajlı yük maşınının əyrixətli tirə (təhlükəsizlik səddi) çırpılması nəticəsində 96 paqon/metr 3 yol nişanı, “T” tipli yol göstəricisi dirəyi, onun üzərində olan uzunluğu 6 metr, eni isə 3 metr olan 2 ədəd lövhə sıradan çıxıb.
“Nəqliyyat vasitəsindən yolun hərəkət hissəsinə tökülən qum yol istismar idarəsinin texnikası ilə təmizlənib. Yolda nəqliyyatın hərəkəti bərpa olunub”, - deyə P. Mürsəliyev bildirib.
O, əlavə edib ki, yol təsərrüfatına təxminən 45 min manata yaxın ziyan dəyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
