İnfrastruktur

Ana səhifə

İnfrastruktur

I Avropa Oyunları ilə bağlı “Bakı metropoliteni” polisləri üçün treninqlər təşkil olunub - FOTOSESSİYA

I Avropa Oyunları ilə bağlı “Bakı metropoliteni” polisləri üçün treninqlər təşkil olunub - <span style="color: red;">FOTOSESSİYA

03 iyun 2015 13:29 (UTC +04:00)

Bakı. Vüsal Nəbiyev – APA-Economics. “Bakı Metropoliteni” QSC-nin dəvəti ilə Böyük Britaniyanın “Transport for London” şirkətinin mütəxəssisləri təhlükəsizliyin təminatı ilə bağlı metropoliteninin mühafizəsi üzrə polis şöbəsinin əməkdaşları ilə treninqlərə başlayıblar.

“Bakı Metropoliteni” QSC-dən “APA-Economics”ə verilən məlumata görə, 5 gün davam edəcək seminarlarda “Transport for London”un infrastruktur məsələləri və əməliyyat üzrə proqram direktoru Corc Makaynalti (George McInulty) və mütəxəssis Hyu Makkey (Hugh Mackay) London metrosunun təcrübəsi ilə bölüşərək, xüsusi proqram əsasında seminarlar keçir, bu dövrdə işin təşkili və idarə olunması prinsiplərindən söz açır, tövsiyələrini verirlər.

Treninqin ilk təliminin mövzusu polis əməkdaşlarının davranış qaydalarında sosial-psixoloji məsələlərə diqqət edilməsi olub. Bakıya gələcək turistlərin fərqli ölkəni, fərqli mədəniyyəti, fərqli dünya görüşə malik mühiti təmsil edə biləcəyinin nəzərə alınması və bu zaman davranışın maksimum nəzakət və tövsiyə xarakterli olması vacibdir. Daha bir məsələ polisin iş vaxtı diqqət etməli olduğu məsələlər, onlara kompleks və fərdi yanaşma metodları və konkret məqamları ilə bağlıdır. Stansiyada sərnişinlərin daim hərəkətdə olması, qatara vaxtında minib-düşməsi və s. kimi məsələlər nəzərə alınaraq, mütəxəssislər bəzi təkliflərini, tövsiyələrini əyani nümunələr əsasında veriblər.

London və Bakı metropolitenləri arasında oxşar və fərqli cəhətlər nəzərə alınaraq, britaniyalı mütəxəssislər diqqətə alınması vacib olan bir sıra məsələlər ətrafında xüsusi dayanaraq, daha geniş və çeşidli metodlarla onların müzakirəsini təşkil edirlər.

Corc Makaynalti London Olimpiya Oyunları zamanı təcrübəsinə əsasən, açılış və bağlanış mərasimləri, eyni zamanda yarışların keçirildiyi arenalar və onlara yaxın metro stansiyalarında iş prinsiplərinin təşkili, bundan başqa həmin arenalarda yarışların başlama və başa çatma saatlarına uyğun olaraq, bəzi məsələlərin polis şöbəsi əməkdaşlarının diqqətinə çatdırıblar.

Qeyd edək ki, təlimlər eyni zamanda “Bakı Metropoliteni” QSC-nin digər əməkdaşları üçün də təşkil ediləcək.