“Azərsu”dan “APA-Economics”ə verilən məlumata görə, seminarda ABB korporasiyasının nümayəndələri bildiriblər ki, təmsil etdikləri şirkət “Azərsu” ASC-nin həyata keçirdiyi yerli və beynəlxalq layihələrdə iştirak etmək, qarşılıqlı əlaqələri möhkəmləndirmək, texniki dəstək göstərməkdə maraqlıdır. Azərbaycanda həyata keçirilən bir sıra layihələrdə yaxından iştirak etdiklərini xatırladan ABB korporasiyasının mütəxəssisləri su təchizatı və kanalizasiya sektorunda da əməkdaşlığın geniş perspektivləri olduğunu vurğulayıblar.
Seminarda ABB korporasiyasının mütəxəssisləri avtomatika, energetika, proqram təminatı, su və kanalizasiya sistemləri üzrə geniş təqdimatla çıxış ediblər.
Qeyd edək ki, İsveçrənin ABB transmilli korporasiyası 1988-ci ildə təsis edilib. Mənzil qərargahı İsveçrənin Sürix şəhərində yerləşən şirkət avtomatika, energetika, robot texnikası sahələri üzrə ixtisaslaşıb. Şirkət dəniz suyunun duzsuzlaşdırılması, su nasos stansiyaları, su paylayıcılar, irriqasiya, sutəmizləyici qurğular, su yolları və sahil mühafizəsi, SCADA və digər idarəetmə sistemləri üzrə xidmətlər göstərir. Dünyanın 100-dən çox ölkəsində fəaliyyət göstərən şirkətin işçi sayı 150 min nəfərdən çoxdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
