Bakı. Aqşin Rafiqoğlu - APA-Economics. SOCAR Monteneqronun Kumbor kurort zonasında yerləşən "Portonovi" kompleksinin tikintisinə bu günədək 200 mln. avro yatırıb.
"APA-Economics" xəbər verir ki, bunu “BNE IntelliNews” nəşrinə müsahibəsində Monteneqronun prezidenti Filip Vuyanoviç bildirib.
Prezidentin sözlərinə görə, kompleksin ümumi dəyəri 500 mln. avro təşkil edir: "SOCAR artıq bu layihəyə 200 milyon avro vəsait yatırıb. Ümid edirik ki, bu kompleks 2017-ci ilin sonunda açılacaq".
Qeyd edək ki, layihənin icrasına 2014-cü ildə start verilib. SOCAR kompleksi 90 il müddətinə icarəyə götürüb. İcarəçi Monteneqroda şirkət təsis etmək hüququna malikdir və icarə razılaşmasına görə, bütün hüquqlar və səlahiyyətlər bu şirkətə təhvil veriləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
