Bakı. Aqşin Rafiqoğlu - APA-Economics. “Azərişıq” ASC-nin sədri Baba Rzayev Xaçmaz şəhərində şimal rayonlarının icra başçıları ilə toplantı keçirir.
Bu barədə “APA-Economics”ə açıqlama verən “Azərişıq” ASC-nin mətbuat xidmətinin rəhbəri Tanrıverdi Mustafayev bildirib ki, B. Rzayev “Bakıelektrikşəbəkə” ASC-nin bazasında “Azərişıq” ASC-nin yaradılması haqqında Azərbaycan prezidenti İlham Əliyev tərəfindən 19 fevral 2015-ci ildə imzalanan sərəncamdan irəli gələn vəzifələrin icrası və “Azərişıq” yaranan iki ay ərzində görülən işlərlə bağlı məruzə edib.
Toplantıda ”Azərişıq" ASC-nin yeni yaradılmış Şimal Regional enerji satışı və təchizatı idarəsinin rəhbər işçiləri də iştirak edirlər.
T. Mustafayev bildirib ki, 4 bənddən ibarət inkişaf proqramı hazırlanıb: "Müşavirənin sonunda ictimaiyyətə geniş məlumat açıqlanacaq".
Hazırda müşavirə davam edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
