Bakı. Hafiz Heydərov – APA. Bakıda bıçaqlanma hadisəsi baş verib.
Suraxanı Rayon Prokurorluğundan APA-ya verilən məlumata görə, hadisə Hövsan qəsəbəsində qeydə alınıb.
Qəsəbə sakini, 1966-cı il təvəllüdlü Eldəniz Şirin oğlu Yusifov yaşadığı evdə həyat yoldaşı, 1979-cu il təvəllüdlü Ceyhunə Şükür qızı Yusifovanı bıçaqlayıb. E. Yusifov daha sonra bıçaqla özünə xəsarət yetirib.
Hər iki yaralı ağır vəziyyətdə xəstəxanaya yerləşdirilib.
Faktla bağlı Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb, istintaq gedir.