Bakı-APA. Bakı-2015-in su polosu yarışlarının püşkü atılıb. Apasport.az saytının məlumatına görə, Lixtenşteyndə baş tutan mərasimdə 16 kişi komandası 4, 12 qadın yığması 2 qrupa bölünüb.
Püşkün nəticəsinə əsasən kişilərdən ibarət Azərbaycan millisi B qrupunda gücünü yoxlayacaq. Komandamız Macarıstan, Almaniya və Rumıniya ilə münasibətinə aydınlıq gətirəcək.
Qadınların mübarizəsində isə Azərbaycan təmsilçisi olmayacaq. Ev sahibi kimi yarışda iştirak hüququ qazanan, lakin Avropa Oyunlarına qatılması məqbul hesab olunmayan komandamızı Rusiya əvəzləyib.
Kişilər
A qrupu: İtaliya, Rusiya, Fransa, Ukrayna
B qrupu: Macarıstan, Azərbaycan, Almaniya, Rumıniya
C qrupu: Monteneqro, Xorvatiya, Yunanıstan, Türkiyə
D qrupu: Serbiya, İspaniya, Slovakiya, Malta
Qadınlar
A qrupu: Yunanıstan, Hollandiya, Macarıstan, Almaniya, İsrail, Böyük Britaniya
B qrupu: İspaniya, İtaliya, Rusiya, Slovakiya, Fransa, Serbiya
Qeyd edək ki, reqlamentə əsasən ilk pillələrin sahibləri birbaşa mərhələ adlayacaq. 2-ci və 3-cü yeri tutacaq komandalar isə digər qruplarda eyni yerlərin sahibləri ilə pley-off oynayacaqlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
