Moskva.Fərid Əkbərov -APA. Suriyanın Hələb şəhərində vəziyyət gərgin olaraq qalır. “Cəbhət ən-Nüsra” terror təşkilatının Hələbin qərbində yerləşən yaşayış məntəqələrini atəşə tutmaqda davam edir.
APA-nın Moskva müxbirinin verdiyi məlumata görə, bunu Rusiya Silahlı Qüvvələri Baş Qərargahının Baş Əməliyyat İdarəsinin rəisi general-leytenant Sergey Rudskoy bu gün keçirdiyi brifinqdə bildirib.
"Oktyabrın 15-də terrorçuların nəzarətində olan Malandi və Bustan-al-Qəsr rayonlarında qaçıb canını qurtarmaq istəyən 30 dinc sakin terrorçular tərəfindən edam edilib", - deyə Rusiya Müdafiə Nazirliyi rəsmisi qeyd edib.
S. Rudskoy Suriyada terrorçuların müasir növ silahlar almağa davam etdiyi də söyləyib: "Terrorçular ABŞ istehsalı olan "Toy" tank əleyhinə raket kompleksi əldə ediblər".
Rusiyalı general bu ilin sentyabrdan Hələbdə terrorçuların açdığı atəş nəticəsində 130-dan çox uşağın öldüyünü bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
