2017-ci ilin IV rübündə “Ziraat Bank Azərbaycan”ın aktivlərinin həcmi 186,666 mln. manat təşkil edib ki, bu da 2016-ci illə müqayisədə 41,2% çoxdur.
“APA-Economics”in verdiyi xəbərə görə, bankın kredit portfeli illik müqayisədə 24,2% artaraq 67,884 mln. manata yüksəlib.
Depozit portfeli hesabat dövrü ərzində 2,1 dəfə artaraq 80,128 mln. manata, öhdəliklərinin həcmi isə 68,75% artaraq 120,770 mln. manata bərabər olub.
Ötən il bankın məcmu kapitalı 5,94% artaraq 62 mln. 955,22 min manat, nizamnamə kapitalı isə dəyişməyərək 50 mln. manat təşkil edib.
Qeyd edək ki, “Ziraat Bank Azərbaycan” 2017-ci ili 4 mln. 63,47 min manat mənfəətlə başa vurub.