Göyçayda yanğın hadisəsi baş verib. ONA-nın yerli bürosunun xəbərinə görə, hadisə bu gün səhər saat 8:00 radələrində Göyçayın Çərəkə kəndində qeydə alınıb. Kənd sakini, 1940-cı il təvəllüdlü Adil Kərimova məxsus ümumi sahəsi 280 kvadratmetr olan iki mərtəbəli evdə baş verən yanğının söndürülməsi üçün əraziyə Göyçay Dövlət Yanğından Mühafizə Hissəsindən 3, Ucar yanğından mühafizə hissəsindən 1 yanğınsöndürən avtomobil və canlı qüvvə cəlb olunub. Hadisə zamanı evin 230 kvadratmetrlik hissəsi içərisindəki əşyalarla birgə yanıb. Yanğın zamanı xəsarət alan olmayıb. Hadisənin hansı səbəbdən baş verdiyi hələ ki, məlum deyil.
Faktla bağlı araşdırma aparılır.
Şahnəzər Bəşirov
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
