Bakı. Türbət Bağırova-APA. “Miqrant böhranı mənim bu postda olduğum müddətdə ən çətin sınağım olub”.
APA-nın “lenta.ru”ya istinadən verdiyi xəbərə görə, bunu Almaniya kansleri Angela Merkel ARD telekanalına müsahibəsində bildirib. Kansler qeyd edib ki, miqrant böhranının aradan qaldırılmasında “B” planı yoxdur. “Problemin həlli üçün zaman tələb olunur. Bu, çətin yoldur və bizim tarixdə vacib mərhələdir” - deyə A. Merkel qeyd edib. Kanslerin sözlərinə görə, sərhədlərin birtərəfli bağlanması problemi həll etməyəcək: “Ən qorxduğum budur: biri sərhədini bağlayacaq, digəri isə əziyyət çəkəcək. Bu, mənim Avropam deyil”.Kansler miqrant böhranı ilə mübarizədə Avropanın vahidliyinin qorunub saxlanmasının əsas məqsədi olduğunu da diqqətə çatdırıb.
Qeyd edək ki, A. Merkel 2005-ci ilin noyabrından Almaniyanın kansleridir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
