Kriptovalyuta bazarında son sutka ərzində müsbət dinamika müşahidə olunub.
“APA-Economics” xəbər verir ki, “Bitcoin” son 24 saatda 0,96% bahalaşaraq 61 319 ABŞ dollarına yüksəlib.
Bazarın kapitallaşmasına görə ikinci ən böyük kriptovalyuta olan “Ethereum” isə daha güclü artım nümayiş etdirərək son sutkada 4,26% bahalaşıb və 1 702 ABŞ dollarına çatıb.
İlk beşlikdə yer alan BNB-nin qiyməti 1,15% artaraq 559,68 ABŞ dolları olub.
Qiyməti qızıla indeksləşdirilmiş rəqəmsal aktivlərdən “PAX Gold” 2,63%, Tether Gold isə 2,61% bahalaşıb.
Digər əsas kriptovalyutalar arasında Monero 3%, “Bitcoin Cash” 3,05%, Bittensor isə 2,33% dəyər qazanıb.
Son 24 saatda kriptovalyuta bazarının ümumi kapitallaşması 1,7% artaraq 2,13 trilyon ABŞ dollarına yüksəlib.
Qeyd edək ki, qiymətlərdə artıma baxmayaraq, bazarda investorların ehtiyatlı mövqeyi qalır. Belə ki, “Fear & Greed Index” 22 bənd səviyyəsindədir ki, bu da bazarda hələ də "qorxu" əhval-ruhiyyəsinin üstünlük təşkil etdiyini göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
