İqtisadiyyat naziri Şahin Mustafayev Türkiyənin Azərbaycandakı səfiri Erkan Özoral və "Ziraat Bank Azərbaycan" ASC-nin İdarə Heyətinin sədri Avni Demirci ilə görüşüb.
İqtisadiyyat Nazirliyinin mətbuat xidmətindən "APA-Economics"ə verilən məlumata görə, görüşdə Azərbaycan-Türkiyə iqtisadi əlaqələri, əməkdaşlığın daha da genişləndirilməsi istiqamətləri müzakirə olunub.
Görüşdə Türkiyənin "Ziraat Bank"a dair təqdimat keçirilib və bankın Azərbaycandakı fəaliyyətinin genişləndirilməsi barədə fikir mübadiləsi aparılıb.