Dövlət Sərhəd Xidmətinə (DSX) daxil olmuş məlumat əsasında Dövlət Təhlükəsizliyi Xidməti (DTX) əməkdaşları ilə birgə keçirilmiş tədbirlər nəticəsində iyulun 16-da İrandan Azərbaycana qayıdan Bakı şəhər sakini, 1973-cü il təvəllüdlü Fərəcova Səfa Məmmədşah qızı “Astara” sərhəd nəzarəti məntəqəsində saxlanılaraq əşyalarına baxış keçirilib.
DSX-dan APA-ya verilən məlumata görə, baxış zamanı əşyaların arasından 2 ədəd “ketçup” qabının içərisində gizlədilmiş narkotik vasitə - 295 qram heroin aşkar olunaraq götürülüb. Sonrakı əməliyyat-axtarış tədbirləri nəticəsində narkotik vasitənin sifarişçisi, 1995-ci il təvəllüdlü Azərbaycan vətəndaşı, Cəlilabad rayonunun Göytəpə şəhər sakini Mirzəyev Səbuhi Rövşən oğlu müəyyənləşdirilərək saxlanılıb.
Fakt üzrə əməliyyat-istintaq tədbirləri davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
