Maliyyə

Ana səhifə

Maliyyə

Azərbaycanda həyat sığortasının aşağı səviyyədə olması tələbatla bağlıdır

23 sentyabr 2008 13:22 (UTC +04:00)

Bakı. Vahab Rzayev – APA-Economics. Azərbaycanda həyat sığortası üzrə daxilolmaların sığorta haqlarının məcmu həcmində payının az olması tələbatın aşağı olması ilə bağlıdır. «APA-Economics»in məlumatına görə, bunu ə açıqlamasında Azərbaycan Sığortaçılar Assosiasiyası (ASA) Müşahidə Şurasının sədri Kamal İbrahimov bildirib.
K.İbrahimovun fikrincə, həyat sığortası, könüllu pensiya sığortası kimi sığorta növləri olduqca perspektivlidir, hazırkı vəziyyət isə tələbatın real səviyyəsinə uyğundur. Qeyd edək ki, 2008-ci ilin ilk yarısında həyat sığortası üzrə toplanılan haqların həcmi 1 039 130 manat təşkil edib və bu, ümumi sığorta haqlarının 1,1%-qə bərabərdir.
K.İbrahimovun sözlərinə görə, hazırda həyat sığortasının bir növü olan fərdi qəza sığortasının genişləndirilməsi üzrə xüsusi proqram hazırlanır. Bu, həyat sığortasının inkişaf etdirilməsində müsbət rol oynayacaq. Qeyd edək ki, son illər Azərbaycanda tikinti-bərpa işlərinin genişlənməsi şəraitində bu sığorta növü olduqca perspektivlidir. Lakin burada da sığortaçılar kiçik tələbatla üzləşə bilər (sığortanın könüllü prinsiplərə əsaslanması səbəbindən).
K.İbrahimovun əlavə edib ki, ASA-nın 2009-cu il üçün iş planına müxtəlif maarifləndirmə tədbirləri daxil edilib.
Ümumilikdə, 2008-ci ilin ilk yarısında respublika üzrə sığorta haqlarının ümumi həcmi 96,9 mln. manat, ödənişlər isə 22 mln. manat təşkil edib. Sığorta haqlarında əsas paya avtonəqliyyat vasitələrinin sığortası malikdir. Ümumilikdə, sığorta yığımlarının 87%-i həyat sığortası ilə bağlı olmayan sığorta növlərinin payına düşür. Sığorta daxilolmalarının böyük hissəsi (30,4%) könüllü avtosığorta üzrə toplanıb, bu da son vaxtlar avtomobillərin kreditlə satışının genişlənməsi ilə bağlıdır. Bundan başqa, yığımların 11,5%-i əmlakın yanğından sığortalanma, 11,5%-i tibbi sığorta, 11%-i isə icbari sığorta növlərinin payına düşür.