Maliyyə

Ana səhifə

Maliyyə

Azərbaycandakı sığorta şirkətlərinin ödənişlər üzrə yanvar-sentyabr renkiqinə «Azərsığorta» başçılıq edir

11 dekabr 2008 10:18 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən sığorta şirkətlərinin 2008-ci ilin yanvar-sentyabr aylarında həyata keçirdiyi sığorta ödənişlərinin ümumi həcmi 36,82 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 45,2% çoxdur.
«APA-Economics»in Maliyyə Nazirliyinin dürüstləşdirilmiş məlumatları əsasında apardığı araşdırmaya əsasən, şirkətlər arasında sığorta ödənişlərinin həcminə görə «Azərsığorta» Dövlət Sığorta Kommersiya Şirkəti liderlik edir. Belə ki, dövlət şirkətinin bu ilin ilk 9 ayında həyata keçirdiyi ödənişlərin həcmi 9,43 mln. manata bərabər olub və bu, respublika üzrə məcmu sığorta ödənişlərinin 25,6%-ni təşkil edir.
İlk üçlüyə həmçinin «MBASK» (4,50 mln. manat və ya 12,2%) və «Atəşgah» (3,14 mln. manat və ya 8,5%) sığorta şirkətləri daxildir. Qeyd edək ki, bu üçlüyün sığorta ödənişlərinin ümumi həcmi şirkətlər tərəfindən həyata keçirilən sığorta ödənişlərinin məcmu həcminin 46,4%-nə bərabərdir.
Həmçinin bildirilir ki, hesabat dövründə ölkədə iki sığorta şirkəti («Nişan Sığorta» və «Qala Sığorta») heç bir ödəniş aparmayıb. Xatırladaq ki, «Qala Sığorta»ya Maliyyə Nazirliyi tərəfindən müddətsiz lisenziya 2008-ci ilin iyul ayının 31-də verilib.
Şirkətlər sırasında ən az sığorta ödənişi isə «Qarant Sığorta» şirkəti tərəfindən həyata keçirilib. Bu şirkətin sığorta ödənişlərinin həcmi cəmi 3 min manat (0,008%) təşkil edib. Qeyd edək ki, bu ödəniş (3 min manat) «Qarant Sığorta» şirkətinin fəaliyyət göstərdiyi tarixdən (2007-ci ilin noyabr ayı) indiyədək ödədiyi ilk vəsaitdir. Şirkətin məcmu sığorta ödənişlərindəki xüsusi çəkisi heç 0,01%-ə belə çatmayıb.
Aşağıda «APA-Economics»in sığorta şirkətlərinin həyata keçirdikləri ödənişlər üzrə tərtib etdiyi renkinq göstərilir:

	Sığorta təşkilatları	Sığorta ödənişləri
1	Azərsığorta	9,43
2	MBASK	4,50
3	Atəşgah	3,14
4	Beynəlxalq Sığorta Şirkəti	3,11
5	A-Group	3,10
6	Standard İnsurance	3,03
7	AzSığorta	1,35
8	Xalq Sığorta	1,24
9	Başak-İnam	1,12
10	Kavkaz Sığorta	0,83
11	Era Trans	0,80
12	BE&G	0,67
13	Bakı Sığorta	0,58
14	Paşa Sığorta	0,57
15	Azalsığorta	0,46
16	AtaSığorta	0,45
17	Azərbaycan Sənaye Sığorta	0,44
18	Thames Insurance Group	0,29
19	Star Alyans	0,27
20	Alfa Sığorta	0,23
21	AIG Caspian	0,16
22	Fidan Sığorta	0,12
23	Azərqarant	0,11
24	Günay Anadolu	0,10
25	Əmrah Sığorta	0,08
26	Qarant Sığorta	0,003
27	Nişan Sığorta	-
28	Qala Sığorta	-
Lisenziyası ləğv olunmuş sığortaçılar
1	Abşeron	0,05
2	Azər-Asiya	0,59
	Y E K U N	36,82