(mln. dollar)
Tədiyə balansı | ||
| Yanvar-sentyabr, 2007-ci il | Yanvar-sentyabr, 2008-ci il |
I.Cari əməliyyatlar hesabının saldosu | 5 895,6 | 14 796,4 |
Xarici ticarət balansı | 10 155,4 | 20 747,6 |
Xidmətlər balansı | - 1 579,7 | - 1 784,6 |
Gəlirlər balansı | - 3 402,7 | - 4 919,7 |
İnvestisiya gəlirlərinin repatriasiyası | - 3 297,1 | - 4 845,5 |
Cari transfertlər balansı | 722,6 | 753,1 |
II.Kapitalın və maliyyənin hərəkəti hesabının saldosu | - 3 761,9 | - 3 983,7 |
Birbaşa investisiyalar | - 3 146,9 | - 676,7 |
- Azərbaycana cəlb olunmuş | 3 175,8 | 2 959,4 |
- Xaricə yönəldilmiş | - 212,9 | - 277,8 |
- İnvestisiyaların repatriasiyası | - 6 109,8 | - 3 358,3 |
Neft bonusu | 46,2 | 3,5 |
Kreditlər və digər investisiyalar | - 661,2 | - 3 310,5 |
III.Tədiyə balansının ümumi saldosu | 2 133,7 | 10 812,7 |
Tədiyə balansında əsas paya malik olan xarici ticarət dövriyyəsi hesabat dövründə 71,8% artaraq 31,7 mlrd. dollar təşkil edib. Xarici ticarət balansı 20,75 mlrd. dollar məbləğində müsbət saldo ilə nəticələnib. Yanvar-sentyabr aylarında Azərbaycan 135 ölkə ilə ticarət əməliyyatları aparıb. Xarici ticarətin 8,9%-i MDB ölkələri, 91,1%-i isə digər xarici dövlətlərin payına düşür.
Cari ilin 9 ayı ərzində ixrac 2007-ci ilin müvafiq dövrünə nisbətən 1,8 dəfə artaraq 26,2 mlrd. dollara çatıb. İxrac olunan malların strukturunda neft məhsullarının payı 95,6% təşkil edir. Xarici dövlətlərə 25,1 mlrd. dollar neft məhsulları ixrac olunub ki, bu da 2007-ci ilin müvafiq dövrünün göstəricisindən 1,9 dəfə çoxdur. İxrac olunan bütün neft məhsullarının 1,7 mlrd. dolları neft emalı məhsulları, 23,4 mlrd. dolları isə xam neftin payına düşür:
(mln. dollar)
İxracın strukturu | ||
| Yanvar-sentyabr, 2007-ci il | Yanvar-sentyabr, 2008-ci il |
Yanacaq-xammal məhsulları: | 13 701,9 | 25 633,8 |
- neft məhsulları | 13 448,1 | 25 090,9 |
-digər xammal | 253,8 | 542,9 |
Maşın və avadanlıq | 180,5 | 179,1 |
İstehlak malları | 362,6 | 377,8 |
Digər mallar | 69,6 | 52,7 |
Cəmi ixrac | 14 314,6 | 26 243,4 |
Hesabat döründə istehlak mallarının idxalının ümumi dəyəri keçən ilin müvafiq dövrünə nisbətən 25,7% artıb. Bu artımın 176 mln. dolları ərzaq məhsullarının payına düşdüyü halda, 160 mln. dollardan çoxu minik avtomobillərinin idxalı ilə bağlı olub.
Fiziki şəxslər tərəfindən idxal (833,6 mln. dollar) və humanitar mallar (23,3 mln. dollar) da nəzərə alınmaqla, 2008-ci ilin yanvar-sentyabr ayları ərzində Azərbaycana 2 187,1 mln. dollar məbləğində istehlak malları gətirilib ki, bunun da 32,6%-i ərzaq məhsullarının payına düşür.
İdxalın strukturunda xarici investisiyalar hesabına gətirilən maşın və avadanlıqların və malların xüsusi çəkisi 12,4% və ya 680,5 mln. dollar təşkil edib. Bunun 82,6%-i beynəlxalq neft-qaz kontraktları çərçivəsində istifadə olunan investisiyalar hesabına idxal edilən malların payına düşür. Bundan başqa, ölkəyə ümumi məbləği 2 628,2 mln. dollar olan istehsal təyinatlı maşın və avadanlıq, kimya, qara və əlvan metallurgiya məhsulları da gətirilib:
(mln. dollar)
İdxalın strukturu | ||
| Yanvar-sentyabr, 2007-ci il | Yanvar-sentyabr, 2008-ci il |
İstehlak malları: | 1 740,3 | 2 187,1 |
- ərzaq məhsulları | 537,9 | 714,0 |
- qeyri-ərzaq məhsulları | 1 202,4 | 1 473,1 |
İnvestisiya yönümlü mallar | 763,1 | 680,5 |
Digər mallar | 1 655,8 | 2 628,2 |
Cəmi idxal | 4 159,2 | 5 495,8 |
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
