Maliyyə

Ana səhifə

Maliyyə

Yanvar-noyabr aylarında Azərbaycanda iqtisadi inkişaf 11,5% təşkil edib

17 dekabr 2008 14:30 (UTC +04:00)

Dövlət Statistika Komitəsindən «APA-Economics»ə verilən məlumata görə, ÜDM-nin həcmi əvvəlki ilin eyni dövrünə nisbətən müqayisəli qiymətlərlə 3,6 mlrd. manat və ya 11,5% artıb. ÜDM-in adambaşına həcmi 10,3% artaraq 4 051,5 manata və ya 4 922,3 ABŞ dollarına çatıb.
İqtisadiyyatın istehsal sahələrində yaradılmış əlavə dəyər əvvəlki ilin eyni dövrünə nisbətən 10,6% artaraq ÜDM-in 73%-ni təşkil edib, xidmət sahələrinin ÜDM-də xüsusi çəkisi isə 2007-ci ildəki 21,4%-dən 19,5%-dək azalıb.
Hesabat dövründə sənayedə 20,9 mlrd. manatlıq, yaxud ÜM-in 60,3%-i qədər, kənd təsərrüfatı, ovçuluq və meşə təsərrüfatında 1 888,9 mln. manatlıq (5,4%), tikintidə 2 515,7 mln. manatlıq (7,3%), nəqliyyatda 1 893,8 mln. manatlıq (5,5%), poçt və rabitədə 546,0 mln. manatlıq (1,6%), topdan və pərakəndə ticarət, avtomobillərin, məişət məmulatlarının və şəxsi istifadə əşyalarının təmiri sahəsində 1 753,2 mln. manatlıq (5,1%), mehmanxana və restoran xidmətlərində 250,2 mln. manatlıq (0,7%), sosial və digər xidmətlər sahələrində 2 297,6 mln. manatlıq (6,6%) əlavə dəyər yaranıb.
Qeyd edək ki, məhsula və idxala xalis vergilər ÜDM-in 7,5%-ni təşkil edib.