Maliyyə

Ana səhifə

Maliyyə

«Standart & Poor’s» ilk dəfə Azərbaycana müstəqil reytinq verib

17 dekabr 2008 15:10 (UTC +04:00)

«APA-Economics»in məlumatına görə, beynəlxalq agentlik təyin etdiyi ölkə reytinqləri üzrə proqnozu «sabit» səviyyəsində təsdiqləyib. Eyni zamanda, agentlik Azərbaycana xarici valyutaların transferti və konvertasiyası riskləri üzrə «BBB-» reytinqi müəyyənləşdirib.
«Reytinqləri Azərbaycanın regional geosiyasi riskləri, o cümlədən yüksək inflyasiya, siyasi, hüquqi və iqtisadi təsisatların inkişaf səviyyəsi məhdudlaşdırıb. Ölkənin kifayət qədər təbii sərvətlərlə təmin olunması, maliyyə və xarici bufer ehtiyatlarının olması və güclü iqtisadi artımın mövcudluğu təyin olunan reytinqlərin səviyyəsinə müsbət təsir edib», - deyə agentliyin hazırladığı hesabatda bildirilir.
Bundan başqa, hesabatda qeyd olunur ki, ölkənin xalis beynəlxalq ehtiyatları 2006-cı ildəki 2 mlrd. dollardan və 2007-ci ilin sonundakı 4 mlrd. dollardan 2008-ci ilin noyabr ayında 5,3 mlrd. dollara çatıb. Agentlik mütəxəssislərinin proqnozlarına görə, xarici maliyyələşdirmə ehtiyacı 2008-ci ildə bu ehtiyatların cari hesab daxilolmalarının 58%-ni təşkil edəcək. Bu ehtiyatlardan başa, Dövlət Neft Fondunun xaricdə yatırdığı aktivlərinin həcmi 2007-ci ilin sonundakı 2,5 mlrd. dollar səviyyəsindən 2008-ci ilin noyabr ayında 11,8 mlrd. dollara çatıb.
«Standart & Poor’s»un ekspertləri hesab edirlər ki, ölkə hökumətinin əsas diqqəti qeyri-neft sektorunun inkişafı və diversifikasiyasına yönəldilməlidir, çünki iqtisadiyyat neft qiymətlərində baş verən tərəddüdlərə olduqca həssasdır.
«Sabit proqnoz neft qiymətlərinin büdcədə nəzərdə tutulandan (70 dollar/barel) aşağı olacağı şəraitdə xərclərin sıçrayışlı artımı riskinə qarşı büdcə və xarici səviyyədə güclü ehtiyatların olmasını əks etdirir. Əgər hökumət büdcənin maliyyələşdirilməsinə Neft Fondunu həddən artıq cəlb edərsə, ölkənin bank sektoru xarici borc öhdəliklərini cari səviyyədən digər MDB ölkələrində müşahidə olunan səviyyəyədək artırarsa, bu halda reytinqlərin aşağı salınması zərurəti meydana çıxa bilər. Reytinqlərin yüksəldilməsinə isə dövlətin regional geosiyasi risklərində müşahidə olunan yaxşılaşma və ölkədəki təşkilatlarının müsbət inkişafı təsir göstərə bilər.
Məlumat üçün qeyd edək ki, Azərbaycan «Standart & Poor’s» agentliyinin dünya üzrə qiymətləndirdiyi 122-ci ölkədir.