Azərbaycan Milli Bankından «APA-Economics»ə verilən məlumata əsasən, cari ilin noyabr ayının 1-nə cəlb olunan depozitlər üzrə orta faiz dərəcəsi manatla illik 11,88%, valyuta ilə 8,07%, kreditlər üzrə orta faiz dərəcəsi manatla 17,99%, valyuta ilə 14,89%-ə bərabərdir.
Noyabrın 1-nə xalis bank faiz marjasına dair məlumatlar:
Marja | 01.11.2008 | 01.01.2008 |
Orta, manat | 6,11% | 5,61% |
Orta, valyuta | 6,82% | 4,04% |
Hüquqi şəxslər, manat | 5,27% | 5,45% |
Hüquqi şəxslər, valyuta | 7,30% | 6,04% |
Fiziki şəxslər, manat | 8,69% | 7,82% |
Fiziki şəxslər, valyuta | 8,75% | 9,23% |
İlk növbədə qeyd olunmalıdır ki, əsas mövqelər üzrə faiz marjasının artımı müşahidə olunur. Belə ki, ilin əvvəlindən Azərbaycan bank sistemində depozitlər üzrə orta faiz dərəcələrinin dəyişmədiyi halda, kreditlərin faiz dərəcələri artıb. Eyni zamanda, müxtəlif banklar üzrə depozitlərin faizləri artsa da, kreditlərin faiz dərəcələri mütənasib deyil, daha sürətlə artaraq faiz marjasını genişləndirib.
Bundan əlavə, Azərbaycanda xalis faiz marjası çox yüksək səviyyədədir. Qeyd edək ki, inkişaf etmiş ölkələrdə bu göstərici 2,2-2,5%, Rusiyada orta hesabla 6% təşkil edir. Qazaxıstan, Ukrayna, Belarus kimi ölkələrdə bu göstərici daha aşağıdır. Azərbaycanda isə, göründüyü kimi, banklar əlavə faiz gəlirləri əldə etmək məqsədi ilə faiz marjasını genişləndirir. Bundan başqa onu da qeyd etmək lazımdır ki, ölkənin bank sistemində orta faiz dərəcələri üzrə faiz marjası depozitlərin faiz dərəcəsinin təxminən 50%-ni təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
