Bank Of Baku

Dünya Bankının Cənubi Qafqaz üzrə yeni direktoru gələn həftə Azərbaycana gələcək

Dünya Bankının Cənubi Qafqaz üzrə yeni direktoru gələn həftə Azərbaycana gələcək
# 21 yanvar 2009 08:01 (UTC +04:00)
Bakı. Nicat Mustafayev – APA-Economics. Bu ilin yanvar ayının 30-da Dünya Bankının (DB) Cənubi Qafqaz regionu üzrə yeni təyin olunmuş direktoru Əsəd Alam Azərbaycana səfər edəcək. Bu barədə «APA-Economics»ə DB-nın Bakı ofisindən məlumat verilib.
Ofisdən qeyd olunub ki, bundan öncə Ə.Alam Ermənistan və Gürcüstanda səfərdə olacaq, daha sonra isə Azərbaycana gələcək: «Yanvarın 30-da Bakıya tanışlıq məqsədi ilə gələcək Ə.Alamın səfəri fevral ayının 3-dək davam edəcək. Bu müddət ərzində DB-nın Cənubi Qafqaz regionu üzrə yeni direktoru ölkə hökumətinə rəsmən təqdim olunacaq».
Qeyd edək ki, Ə.Alam hazırda bu vəzifəni icra edən xanım Donna Dousett-Koirolonu əvəz edəcək. Belə ki, D. Dousett-Koirolo təqaüdə çıxır. Ə.Alam əvvəllər Cənubi Qafqaz sektorunun meneceri vəzifəsində çalışıb.
Xatırladaq ki, Azərbaycan DB ilə 1992-ci ildən əməkdaşlıq edir. Ötən müddət ərzində bank təxminən 45 layihənin icrasına Azərbaycana 2 mlrd. ABŞ dolları məbləğində maliyyə yardımı göstərib.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR