Maliyyə

Ana səhifə

Maliyyə

Azərbaycanda fəaliyyət göstərən lizinq təşkilatlarının lizinq portfelinin həcminə görə renkinqi

21 yanvar 2009 13:13 (UTC +04:00)

Bu ildən etibarən «APA-Economics» ölkədə fəaliyyət göstərən lizinq təşkilatlarının müxtəlif maliyyə göstəriciləri üzrə rüblük renkinqlər tərtib edəcək.
Aşağıdakı cədvəldə ölkədəki aparıcı lizinq təşkilatlarının lizinq portfelinin 2009-cu il yanvar ayının 1-nə olan həcmi barədə məlumat verilir:

(mln. AZN)

Lizinq təşkilatları		Lizinq portfeli
1	Joint Leasing	55,59
2	UniLeasing	37,64
3	Parex Leasing & Factoring	35,62
4	AGLeasing	12,53
5	Texnika Leasing	6,56
6	Nikoil Leasing	5,81
7	AtaLeasing	3,51

Xatırladaq ki, hazırda Azərbaycanda 14 lizinq təşkilatı fəaliyyət göstərir və bunun 11-i Azərbaycan Lizinq Şirkətləri Assosiasiyasının üzvüdür.
Cədvəldən göründüyü kimi, lizinq xidmətləri bazarında portfelin həcminə görə ölkənin ən iri bank təşkilatının (Azərbaycan Beynəlxalq Bankı) təsisçiliyi ilə yaradılmış «Joint Leasing» şirkəti renkinqdə liderlik edir. İlk üçlüyə isə həmçinin «UniLeasing» və «Parex Leasing & Factoring» şirkətləri düşüb. Bu üç şirkətin məcmu lizinq portfelinin həcmi cari ilin əvvəlinə 129 mln. manata çatır. Sonrakı yerləri tutan 4 şirkətin lizinq portfelinin ümumi həcmi isə bu göstəricidən təxminən 4 dəfə azdır.