Maliyyə

Ana səhifə

Maliyyə

Azərbaycandakı lizinq şirkətlərinin lizinqə verilən avadanlığın dəyəri üzrə renkinqi

26 yanvar 2009 09:47 (UTC +04:00)

Bakı. Elnur Hüseynquluyev – APA-Economics. Azərbaycanın maliyyə sektorunda fəaliyyət göstərən təsərrüfat subyektlərinin əsas göstəricilərinin qiymətləndirilməsi layihəsi çərçivəsində «APA-Economics» lizinq təşkilatlarının rüblük renkinqlərini hazırlayır.
Aşağıdakı cədvəldə ölkədəki aparıcı lizinq şirkətləri tərəfindən lizinqə verilən avadanlıqların dəyəri (2009-cu il yanvar ayının 1-nə) barədə məlumat verilir:

Lizinq şirkətləri		Avadanlıqların dəyəri (mln. AZN)	Müqavilələrin sayı
1	UniLeasing	51,02	750
2	Parex Leasing & Factoring	25,11	934
3	Joint Leasing	23,08	384
4	AGLeasing	10,08	131
5	Nikoil Leasing	6,95	11
6	AtaLeasing	4,56	93
7	Texnika Leasing	2,92	48

Cədvəldən göründüyü kimi, lizinq xidmətləri bazarında lizinqə verilən avadanlığın dəyərinə görə «UniLeasing» şirkəti liderlik edir. İlk üçlüyə həmçinin «Parex Leasing & Factoring» və «Joint Leasing» şirkətləri daxildir. Bu üç şirkətin lizinqə verdiyi avadanlıqların məcmu dəyəri 2009-cu ilin əvvəlinə təxminən 100 mln. manata çatır. Sonrakı yerləri tutan dörd şirkətin verdiyi avadanlıqların məcmu dəyəri isə bu göstəricidən təxminən 4 dəfə azdır.
Bundan başqa, cədvəldə şirkətlərin lizinq müqavilələrinin sayı da göstərilib. Bu sırada isə ilk yeri Latviyanın «Parex Leasing» şirkətinin Azərbaycandakı törəmə müəssisəsi olan «Parex Leasing & Factoring» tutub. Sonrakı yerlərdə isə «UniLeasing» və «Joint Leasing» şirkətləri qərarlaşıb.
Xatırladaq ki, hazırda Azərbaycanda 14 lizinq təşkilatı fəaliyyət göstərir və bunun 11-i Azərbaycan Lizinq Şirkətləri Assosiasiyasının üzvüdür.