Maliyyə

Ana səhifə

Maliyyə

Azərbaycandakı lizinq şirkətlərinin investisiyaların artım tempinə görə renkinqi

26 yanvar 2009 13:44 (UTC +04:00)

Bakı. Elnur Hüseynquluyev – APA-Economics. Azərbaycanın maliyyə sektorunda fəaliyyət göstərən təsərrüfat subyektlərinin əsas göstəricilərinin qiymətləndirilməsi layihəsi çərçivəsində «APA-Economics» lizinq təşkilatlarının rüblük renkinqlərini hazırlayır.
Aşağıdakı cədvəldə ölkədəki aparıcı lizinq şirkətlərinin investisiyalarının (2009-cu il yanvar ayının 1-nə) artım tempi (2007-ci ilin nəticələrinə nisbətən) barədə məlumat verilir:

Lizinq təşkilatları		İnvestisiyaların artımı (%)
1	Texnika Leasing	64,7
2	Parex Leasing & Factoring	35,7
3	UniLeasing	19,5
4	AtaLeasing	11,0
5	Joint Leasing	- 1,3
6	AGLeasing	-
7	Nikoil Leasing	-

* «Nikoil Leasing» şirkəti 2007-ci ilin sonundan fəaliyyətə başlayıb.

Cədvəldən göründüyü kimi, lizinq xidmətləri bazarında investisiyanın artım tempinə görə «Texnika Leasing» şirkəti liderlik edir. Belə ki, bu şirkətin investisiya yatırımlarının artım tempi 2008-ci il ərzində 64,7% olub. Sonrakı yerləri isə Latviyanın «Parex Leasing» şirkətinin Azərbaycandakı törəmə müəssisəsi olan «Parex Leasing & Factoring» və «UniLeasing» şirkətləri tutub.
Qeyd edək ki, bu müddət ərzində «Joint Leasing» şirkətinin investisiyalarının həcmində 1,3% azalma baş verib. «AGLeasing» şirkəti isə müvafiq göstəricisini təqdim etməyib.
Xatırladaq ki, hazırda Azərbaycanda 14 lizinq təşkilatı fəaliyyət göstərir və bunun 11-i Azərbaycan Lizinq Şirkətləri Assosiasiyasının üzvüdür.