AMB-dən bildirilib ki, vaxtı keçmiş kreditlər nəzərə alınmadan, cari ilin ilk iki ayın sonuna ev təsərrüfatlarına ayrılan kreditlərin həcmi 2 290 mln. manata çatıb. Ötən ilin martın 1-nə olan müvafiq göstəricilərlə müqayisədə ev təsərrüfatları tərəfindən cəlb olunan kreditlərin həcmi 501 mln. manat artsa da, yeni verilən borcalmaların həcmi əvvəlki il ilə müqayisədə azalır. Eyni zamanda, bank və qeyri-bank təşkilatlarının ümumi kredit portfelində vətəndaşların borcalmalarının payı 35,2%-ə bərabər olub. Maraqlıdır ki, fiziki şəxslərə verilən kreditlərin 1,4%-i plastik kartlarla əməliyyatlar üzrə kreditlərin payına düşür.
Qeyd edək ki, fevralda təsərrüfat subyektlərinin bütün növləri üzrə iqtisadiyyata kredit qoyuluşlarının həcmi də enməyə başlayıb. Belə ki, qeyri-maliyyə müəssisələrinin borcalmaları üzrə məcmu göstərici bir ay ərzində 493,2 mln. manat və yaxud 10,47% azalıb – 4 712,3 mln. manatdan 4 219,1 mln. manatadək. Azalmanın əsas səbəbi ticarət və nəqliyyat-rabitə sektorlarına ayrılan kreditlərin 490 mln. manat məbləğində enməsidir. Buna baxmayaraq, AMB-nin məlumatına görə, ötən ilin martın 1-nə nəzərən korporativ müştərilərə verilən kreditlərin həcmi ümumi hesabda 44,8% artıb və cəmi kredit qoyuluşlarında onların xüsusi çəkisi 64,8% təşkil edib. İl ərzində sənaye və istehsala yönələn kreditlərin məbləği 21,1% artaraq 398,5 mln. manat, ticarət və xidmətə - 19,6% artaraq 1549,1 mln. manat, kənd təsərrüfatı və emala - 27,3% artaraq 262,4 mln. manat, nəqliyyat və rabitə sektorlarına verilən kreditlərin məbləği isə 39,5% artaraq 400,6 mln. manat təşkil edib. İqtisadiyyatın digər sahələrinin inkişafına təkan verə biləcək sahə sayılan inşaat və əmlak sektoruna banklar tərəfindən yönəldilən kreditlərin həcmi 28,9% artaraq 448,5 mln. manata çatıb.
Kredit qoyuluşlarının iqtisadiyyatın sahələri üzrə strukturu*
01.03.2009-cu il tarixinə kredit qoyuluşunun məbləği, mln. AZN | Ümumi məbləğdə xüsusi çəkisi, % | 01.03.2008 tarixinə nisbətən dəyişmə, % | |
Qeyri-maliyyə müəssisələri olan hüquqi şəxslər | 4 219,1 | 64,8 | 44,8 |
Ticarət və xidmət | 1 549,1 | 23,8 | 19,6 |
Energetika və təbii ehtiyatlar | 870,7 | 13,4 | 2,4 dəfə |
Kənd təsərrüfatı və emal | 262,4 | 4,00 | 27,3 |
İnşaat və əmlak | 448,5 | 6,9 | 28,9 |
Sənaye və istehsal | 398,5 | 6,1 | 21,1 |
Nəqliyyat və rabitə | 400,6 | 6,2 | 39,5 |
Digər kredit əməliyyatları | 288,6 | 4,4 | 3,3 dəfə |
Fiziki şəxslər | 2 290,00 | 35,2 | 28,00 |
CƏMİ | 6 509,1 | 100 | 38,4 |
* vaxtı keçmiş kreditlər nəzərə alınmadan.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
