Maliyyə

Ana səhifə

Maliyyə

«Azərbaycan Kredit Bankı»nın aktivləri son bir ildə 5% artıb

26 oktyabr 2009 10:04 (UTC +04:00)

Bakı. Elnur Hüseynquluyev – APA-Economics. «Azərbaycan Kredit Bankı» ASC-nin aktivlərinin həcmi 2009-cu ilin oktyabr ayının 1-nə 27,394 mln. manat təşkil edib ki, bu da ötən ilin oktyabrın 1-nə olan göstəricidən 5% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın depozit portfeli 17,9% azalaraq 4,964 mln. manat, kredit portfeli 13% artaraq 24,487 mln. manat, o cümlədən istehlak kreditlərinin həcmi 35,5% azalaraq 2,314 mln. manat olub. Bu müddət ərzində bankın məcmu kapitalı 12% artaraq 12,653 mln. manat, o cümlədən nizamnamə kapitalı sabit qalaraq 10,205 mln. manat olub.

Qeyd edək ki, son bir illə müqayisədə bankın gəlirləri 28,6% azalaraq 933 min manat, xərcləri isə 12% azalaraq 612 min manat təşkil edib. Nəticədə, bankın mənfəəti 47,7% azalaraq 321 min manat təşkil edib. Bu dövr ərzində bankın işçilərinin sayı 27,5% azalaraq 37 nəfər, orta aylıq əmək haqqı isə 54% artaraq 1 490 manat olub.

Xatırladaq ki, təsisçisi 11 fiziki şəxs olan «Azərbaycan Kredit Bankı» 2005-ci ildən fəaliyyət göstərir. Hazırda bankın 1 filialı, 1 bankomatı və POS-terminalı mövcuddur.