Maliyyə

Ana səhifə

Maliyyə

Azərbaycan dövlət büdcəsinin profisiti azalır

02 noyabr 2009 14:22 (UTC +04:00)

Bakı. Nicat Mustafayev – APA-Economics. Bu ilin yanvar-sentyabr ayları ərzində Azərbaycan dövlət büdcəsinin mədaxil proqnozu 7 870,1 mln. manata qarşı 7 235,1 mln. manat və ya 91,9% icra olunub ki, bu da ötən ilin analoji dövrü ilə müqayisədə 271,4 mln. manat və ya 3,6% azdır.

Azərbaycan Nazirlər Kabinetindən «APA-Economics»ə verilən məlumata görə, 2009-cu ilin yanvar-sentyabr aylarında dövlət büdcəsinin xərcləri 7 894,1 mln. manat proqnoza qarşı 6 456,9 mln. manat və ya 81,8% icra edilib ki, bu da ötən ilin eyni dövründəkindən 262,2 mln. manat və ya 3,9% azdır.

Nəticədə, hesabat dövründə dövlət büdcəsində 778,2 mln. manatlıq müsbət saldo yaranıb. Bu isə ötən ilin 9 ayında yaranmış büdcə profisitindən 1,17% azdır.

Hesabat dövründə sosialyönümlü tədbirlərin (elm, təhsil, səhiyyə, sosial təminat, mədəniyyət xərcləri) maliyyələşdirilməsinə dövlət büdcəsi xərclərinin 30,1%-i və ya 1 941,5 mln. manatı yönəldilib ki, bu da ötən ilin eyni dövrü ilə müqayisədə 426,5 mln. manat və ya 28,2% çoxdur.

Ötən ilin yanvar-sentyabr ayları ilə müqayisədə cari ilin ilk 9 ayı ərzində təhsil xərclərinə 182,1 mln. manat və ya 30,3%, sosial müdafiə və sosial təminat xərclərinə 183,5 mln. manat və ya 29,7%, səhiyyə xərclərinə 52,1 mln. manat və ya 25,4%, mənzil və kommunal təsərrüfatı xərclərinə 24,2 mln. manat və ya 24%, kənd təsərrüfatı, meşə təsərrüfatı, balıqçılıq, ovçuluq və ətraf mühitin mühafizəsi xərclərinə 34,9 mln. manat və ya 17,5% ümumi dövlət xərclərinə 57,4 mln. manat və ya 12,5%, mədəniyyət, incəsənət informasiya, bədən tərbiyəsi və digər kateqoriyalara aid edilməyən sahədə fəaliyyət xərclərinə 8,9 mln. manat və ya 9,8% çox vəsait yönəldilib.

Hesabat dövründə büdcə daxilolmalarının 35,5%-i və ya 2 567,8 mln. manatı Vergilər Nazirliyi, 12,1%-i (875,1 mln. manat) Dövlət Gömrük Komitəsi (DGK) tərəfindən təmin edilib, 50,9%-i (3,685 mlrd. manat) Azərbaycan Dövlət Neft Fondundan (ARDNF), 1,5%-i (107,2 mln. manat) isə digər mənbələrdən daxil olub.

Nəticədə, Vergilər Nazirliyi mədaxil proqnozunu 83,5% icra etməklə dövlət büdcəsinə 2 567,8 mln. manat vəsait təmin edib ki, bu da proqnoza nisbətən 506,2 mln. manat, 2008-ci ilin müvafiq dövrü ilə müqayisədə isə 1 778,2 mln. manat və ya 40,9% azdır.

Hesabat dövründə DGK proqnoza 91,7% əməl edərək büdcəyə 875,1 mln. manat vəsait təmin edib ki, bu da proqnoza nisbətən 78,9 mln. manat az, ötən ilin eyni dövrü ilə müqayisədə isə 29,6 manat və ya 3,5% çoxdur.

Azərbaycan Əmlak Məsələləri Dövlət Komitəsi (ƏMDK) tərəfindən dövlət əmlakının icarəyə verilməsindən icarə haqqı şəklində büdcəyə 3,8 mln. manat və ya proqnoza nəzərən 8,6% çox vəsait təmin edilib.

Büdcədən maliyyələşən təşkilatların büdcədənkənar daxilolmaları üzrə 106,1 mln. manat proqnoza qarşı büdcəyə 71,7 mln. manat vəsait daxil olmaqla icra 67,6% təşkil edib.

Hesabat dövründə proqnozla nəzərdə tutulan 47,5 mln. manat sair gəlirlərdən büdcəyə 31,7 mln. manat daxil olub ki, bu da 2008-ci ilin müvafiq dövrü ilə müqayisədə 3,1% azdır.

ARDNF-dan cari ilin ilk 9 ayında büdcədə nəzərdə tutulmuş 3,685 mlrd. manat vəsait tam daxil olub ki, bu da ötən ilin analoji dövrü ilə müqayisədə 1,495 mlrd. manat çoxdur.