Maliyyə

Ana səhifə

Maliyyə

Azərbaycan parlamenti 2010-cu ilin dövlət büdcəsi layihəsinin müzakirəsinə başlayıb - YENİLƏNİB

Azərbaycan parlamenti 2010-cu ilin dövlət büdcəsi layihəsinin müzakirəsinə başlayıb - <font color=red>YENİLƏNİB</font>

03 noyabr 2009 08:56 (UTC +04:00)

APA-nın xəbərinə görə, müzakirələri MM-in birinci vitse-spikeri Ziyafət Əsgərov açıb. Daha sonra parlamentin İqtisadi siyasət Komitəsinin sədri Ziyad Səmədzadə qanun layihəsi və ölkə iqtisadiyyatının inkişafı ilə bağlı çıxış edib.

Layihəni parlamentə maliyyə naziri Samir Şərifov təqdim edib. Dövlət büdcəsinin layihəsinə əsasən, Azərbaycanın 2010-cu il dövlət büdcəsinin gəlirləri 10 015 mln. manat, xərcləri isə 11 264 mln. manat həcmində nəzərdə tutulub ki, nəticədə, gələn ilki dövlət büdcəsində 1 249 mln. manat həcmində kəsirin yaranacağı gözlənilir.

Qanun layihəsinə əsasən, büdcə gəlirlərinin əsas mənbələri sırasında Dövlət Neft Fondundan daxilolmalar (4 915 mln. manat), əlavə dəyər vergisi (1 876 mln. manat), hüquqi şəxslərin mənfəət vergisi (1 096 mln. manat), fiziki şəxslərin gəlir vergisi (680 mln. manat), aksiz üzrə (552 mln. manat) daxilolmalardır.

Büdcə xərclərinin əsas istiqamətləri sırasında isə birinci yeri dövlət əsaslı vəsait qoyuluşları tutur. Belə ki, həmin təsnifat üzrə 3 549 mln. manat həcmində vəsaitin ayrılması nəzərdə tutulur. Bundan başqa, 2010-cu ilin dövlət büdcəsində 1 276,8 mln. manat həcmində təhsil xərcləri, 1 205,8 mln. manat həcmində müdafiə xərcləri, 1 192,3 mln. manat həcmində sosial müdafiə və sosial təminatı xərcləri, 1 042,3 mln. manat həcmində ümumi dövlət xidmətləri xərcləri, 707,4 mln. manat həcmində məhkəmə hakimiyyəti, hüquq-mühafizə və prokurorluq xərcləri, 479,4 mln. manat həcmində səhiyyə xərcləri nəzərdə tutulub.

Qeyd edək ki, müzakirələrdə hökumət nümayəndələri, parlamentin Sosial siyasət, Aqrar siyasəti, İqtisadi siyasət, Təhlükəsizlik və Müdafiə, Ekologiya, Təbii Ehtiyatlar və Energetika komitələrinin üzvləri iştirak edib.

Müzakirələrin yekununda Azərbaycanın 2010-cu il üçün dövlət büdcəsinin layihəsi parlamentin plenar iclasında müzakirə olunmaq üçün tövsiyə edilib.