Maliyyə

Ana səhifə

Maliyyə

«Bank Silkway»in İdarə Heyətinin strukturunda dəyişiklik aparılıb

03 noyabr 2009 13:47 (UTC +04:00)

Bakı. Elnur Hüseynquluyev – APA-Economics. Azərbaycanın «Bank Silkway» Səhmdar Kommersiya Bakı İdarə Heyətinin tərkibində dəyişikliklər aparılıb.

Bankın baş ofisindən «APA-Economics»ə verilən məlumata görə, bankın İdarə Heyətinin sədri vəzifəsinə «Silkway Holding» Şirkətlər Qrupunun vitse-prezidenti Mirsəməd Mövsümzadə, İdarə Heyətinin sədr müavini vəzifəsinə isə əvvəllər bu bankın baş mühasibi vəzifəsində çalışmış Mahir Əhmədov təyin olunub.

Qeyd edək ki, M.Mövsümzadə və M.Əhmədovdan əvvəl bu vəzifələri müvafiq olaraq Teymur Məmmədov və Hüseyn Həsənov icra ediblər.

Xatırladaq ki, bu, cari ilin əvvəlindən bankın İdarə Heyətinin tərkibində aparılan üçüncü struktur dəyişikliyidir.

«Bank SilkWay» SKB 1993-cü ildə «Azal Bank» SKB kimi yaradılıb. Sonradan bankın səhmdarları sırasına daxil olan «Azərbaycan Hava Yolları» QSC və onun tərkibində olan strukturlar öz payını «SilkWay Holding»ə satıb. Hazırda bankın səhmdarları sırasına «SilkWay Holding» (83,66%) və bir neçə fiziki şəxs daxildir. Bankın respublika üzrə 9 filialı fəaliyyət göstərir.