Göründüyü kimi, 2011-ci ildən başlayaraq infrastruktur layihələrinin maliyyələşməsinə yönəldilən daxili vəsaitlərin həcmi azalacaq, xarici kreditlərin həcmi isə təxminən eyni səviyyədə qalacaq. Bu da infrastruktur layihələrində tədricən cəlbetmə siyasətinə keçid kimi qiymətləndirilə bilər. Bu isə öz növbəsində dövlət büdcəsinin imkanlarının əvvəlki illərlə müqayisədə müəyyən dərəcədə azalması və daha çox sosial yönümlü məqsədlərin maliyyələşməsinə üstünlük verilməsi planları ilə izah oluna bilər.
Qeyd edək ki, maliyyələşdiriləcək infrastruktur layihələri sırasında nəqliyyat layihələri üstünlük təşkil edəcək. Belə ki, 2010-cu ildə infrastruktur layihələrinin maliyyələşməsində nəqliyyat sektorunun xüsusi çəkisi 64%, 2011-ci ildə 52,7%, 2012-ci ildə 57,2%, 2013-cü ildə isə 49% təşkil edəcək. Nəqliyyat layihələrinin maliyyələşməsində xarici kreditlərin payı 2010-cu ildə 32,8%, 2011-ci ildə 48,4%, 2012-ci ildə 46,3%, 2013-cü ildə isə 57,9% olacaq.
Müqayisə üçün qeyd edək ki, energetika və sənaye layihələri yalnız daxili vəsaitlər hesabına maliyyələşən Dövlət İnvestisiya Proqramının istiqamətlərindən biridir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
