“APA-Economics”in xəbərinə görə, bu barədə Azərbaycanın 2010-cu ilin dövlət büdcəsi zərfində göstərilir. Belə ki, 2010-2013-cü illər üzrə əhalinin həyat səviyyəsinin proqnoz göstəricilərinə əsasən, 2013-cü ildə əhalinin real gəlirləri 27 720 mln. manata bərabər olacaq ki, bu da 2008-ci illə müqayisədə 1,5 dəfə artıqdır.
Qeyd edək ki, əhalinin sərəncamənda qalan real gəlirlər nominal gəlirlərdən ödənilən cari transferlərin, o cümlədən məcburi ödəmələr və könüllü üzvlük haqları çıxılmaqla yaranan göstəricidir.
Real gəlirlərin ümumi həcmi ilə yanaşı, əsas makroiqtisadi göstəricilərdən hesab olunan adambaşına düşən nominal gəlirlərin həcmi 2009-cu ilin yekünlarına görə 2 565,3 manat səviyyəsində proqnozlaşdırılır ki, bu da 2008-ci illə müqayisədə 9,5% çoxdur. Qeyd edək ki, 2013-cü ilədək bu göstəricisinin dinamikası 1,4 dəfəlik artımı əks etdirir.
Digər vacib göstərici olan əhalinin son istehlak, yəni mal, ərzaq və xidmətlərin ödənilməsinə yönəldilən xərcləri 2009-cu ildə 14 955 mln. manat səviyyəsində gözlənilir ki, bu da 2008-ci illə müqayisədə 12,8% çoxdur. Beləliklə, əhali son istehlaka real gəlirlərin 74,2%-ni yönəldəcək:
| 2008 | 2009 (proqnoz) | 2010 (proqnoz) | 2011 (proqnoz) | 2012 (proqnoz) | 2013 (proqnoz) |
Əhalinin real gəlirləri (mln. man.) | 18 004,8 | 20 147,8 | 22 178 | 24 169 | 25 857 | 27 720 |
Son istehlak xərcləri (mln. man.) | 13 256,4 | 14 955 | 16 495 | 18 012 | 19 290 | 20 660 |
Adambaşına düşən nominal gəlir (man.) | 2 343,2 | 2 565,3 | 2 790,6 | 3 005,3 | 3 177,3 | 3 365,8 |
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
