Maliyyə

Ana səhifə

Maliyyə

Azərbaycanda bütün pul aqreqatları üzrə azalma müşahidə olunur

11 noyabr 2009 09:05 (UTC +04:00)

Bakı. Vahab Rzayev – APA-Economics. Azərbaycanda geniş mənada pul kütləsinin (M3 aqreqatı) həcmi 2009-cu ilin oktyabr ayının 1-nə 7 458,4 mln. manat təşkil edib ki, bu da ilin əvvəlindən 12,2% azdır.

Azərbaycan Mərkəzi Bankından «APA-Economics»ə verilən məlumata görə, eyni zamanda M3 aqreqatının həcmi sentyabr ayında 1,5%, son bir ildə isə 2,5% azalıb.

Qeyd edək ki, M3 aqreqatının strukturuna banklardan kənarda nağd pul, tələb olunanadək və müddətli əmanət və depozitlər daxildir. Pul kütləsinin tərkib hissələri üzrə də azalma tendensiyası müşahidə olunub.

Belə ki, nağd pul (M0 aqreqatı) cari ilin 9 ayı ərzində 12,7%, sentyabrda 0,9%, son bir ildə isə 0,3% azalaraq 3 620,1 mln. manata çatıb:

(mln. manat)

	01.10.2008	01.01.2009	01.09.2009	01.10.2009
M0 (nağd pul)	3 632,3	4 145,7	3 651,9	3 620,1
M1 (nağd pul, tələb olunanadək əmanət və depozitlər)	4 619,3	5 145,0	4 550,3	4 449,2
M2 (Nağd pul, tələb olunanadək və manatla müddətli əmanət və depozitlər)	5 514,5	6 081,0	5 333,5	5 222,4
M3 (nağd pul, tələb olunanadək və müddətli əmanət və depozitlər)	7 649,7	8 494,2	7 569,1	7 458,4

Göründüyü kimi, cari ilin oktyabrın 1-nə nağd pulun manatla pul kütləsində (M2 aqreqatı) xüsusi çəkisi 69,3% təşkil edib ki, bu da ilin əvvəlində olan göstəricidən 1,1 faiz bəndi çoxdur.