Maliyyə

Ana səhifə

Maliyyə

Son bir ildə AYİB Azərbaycan iqtisadiyyatına sərmayələrini 11% artırıb

28 yanvar 2010 07:30 (UTC +04:00)

Bakı. Nicat Mustafayev – APA-Economics. Ötən il ərzində Avropa Yenidənqurma və İnkişaf Bankı (AYİB) tərəfindən Azərbaycanda əsas kapitala yönəldilmiş investisiyaların həcmi 21 287,5 min manat təşkil edib.

Dövlət Statistika Komitəsindən «APA-Economics»ə verilən məlumata görə, AYİB tərəfindən yatırılan investisiyanın həcmi 2009-cu ilə nisbətən 11,3% çoxdur. Hesabat dövründə xarici ölkələr və beynəlxalq təşkilatlar tərəfindən Azərbaycanda əsas kapitala yönəldilmiş xarici investisiyanın həcmində AYİB-in investisiyalarının xüsusi çəkisi 1,4% təşkil edib.

Qeyd edək ki, Azərbaycan 1992-ci ildən AYİB-in üzvüdür. Bu günə kimi AYİB Azərbaycanda ümumi dəyəri 1 mlrd. ABŞ dolları olan 50-dən çox investisiya layihələrini imzalayıb. Bank əsas diqqətini dayanıqlı maliyyə sektorunun inkişaf etdirilməsinə, mikro, kiçik və orta sahibkarlığın dəstəklənməsinə və qeyri-neft özəl sektorun inkişaf etdirilməsinə yetirir. Hazırda AYİB ilə Azərbaycan hökuməti arasında nəqliyyat və enerji layihələrinin həyata keçirilməsinə dair danışıqlar aparılır. Gələn il ərzində isə, Bank Azərbaycanda 12 layihənin icrasına 220 mln. ABŞ dolları ayıracağı gözlənilir.