Maliyyə

Ana səhifə

Maliyyə

Martda Kuba-Azərbaycan hökumətlərarası komissiyasının növbəti iclası keçiriləcək

29 yanvar 2010 10:35 (UTC +04:00)

Bakı. Viktoriya Dementyeva - APA. Bu ilin mart ayının 3-8-də Havanada Kuba-Azərbaycan iqtisadi əməkdaşlıq üzrə hökumətlərarası komissiyasının növbəti, III iclası keçiriləcək. Bu barədə APA-ya Kubanın Azərbaycandakı səfiri Marselo Kabalyero Torres məlumat verib.

Komissiyanın iclası ilə yanaşı gözləndildiyi kimi Azərbaycanın Kubada Mədəniyyət günləri keçiriləcək. Bununla əlaqədar, Kubaya Azərbaycanın 35-dək mədəniyyət xadimi gələcək və onlar kubalıları Azərbaycan mədəniyyəti, muğamı, Milli rəqsləri ilə tanış edəcəklər. Həmçinin, Azərbaycan haqqında foto şəkillər və kitab ekspozisiyalarının nümayişi təşkil olunacaq.

Xatırladaq ki, Kuba-Azərbaycan iqtisadi əməkdaşlıq üzrə hökumətlərarası komissiyasının II iclası ötən ilin mart ayının 19-da Bakıda keçirilib. İclasın sonunda tərəflər arasında sənaye və energetika, mədəniyyət və turizm, rabitə və informasiya texnologiyaları, statistik məlumatların mübadiləsi sahəsində əməkdaşlığa dair sənəd imzalanıb.

Qeyd edək ki, hökumətlərarası komissiyanın Kuba tərəfindən həmsədri xarici ticarət və investisiyalar naziri Rikardo Herero, Azərbaycan tərəfindən isə mədəniyyət və turizm naziri Əbülfəs Qarayevdir.