Maliyyə

Ana səhifə

Maliyyə

Dövlət Gömrük Komitəsində ötən ilin yekunlarına həsr olunmuş kollegiya iclası keçirilib - FOTO

Dövlət Gömrük Komitəsində ötən ilin yekunlarına həsr olunmuş kollegiya iclası keçirilib - <font color=red>FOTO</font>

30 yanvar 2010 09:55 (UTC +04:00)

Bakı. Rəşad Süleymanov – APA. Bu gün Azərbaycan Dövlət Gömrük Komitəsində (DGK) 30 yanvar - gömrük xidməti işçilərinin peşə bayramı gününə və 2009-cu ilin yekunlarına həsr olunmuş kollegiya iclası keçirilib. APA-nın məlumatına görə, tədbirdə çıxış edən DGK sədri Aydın Əliyev bildirib ki, Azərbaycan prezidentinin 1997-ci ildə imzaladığı sərəncamla hər il yanvarın 30-u gömrük işçilərinin peşə bayramı kimi qeyd olunur.

Daha sonra ötən il gömrük xidmətində görülən işlər barədə məruzə ilə çıxış edən DGK sədrinin müavini Səfər Mehdiyev bildirib ki, dünyada baş verən maliyyə böhranına baxmayaraq, 2009-cu ildə gömrük orqanları tərəfindən 1 mlrd. 112,7 mln. manat vəsait toplanaraq dövlət büdcəsinə köçürülüb ki, bu da 2008-ci illə müqayisədə 2,35 mln. manat çoxdur.

S. Mehdiyev ötən il Azərbaycanın 138 ölkə ilə apardığı ticarət əməliyyatlarının həcminin 20 818 221,2 min dollar təşkil etdiyini qeyd edib. Bunun 14 698 496,6 min dolları ixrac, 6 119 724,7 min dolları isə idxal əməliyyatlarının payına düşüb. Hesabat ilində xarici ticarət dövriyyəsində 8 578 771,8 min dollar müsbət saldo yaranıb.

S. Mehdiyev Gömrük Məcəlləsinin son variantının hazırlanaraq Nazirlər Kabinetinə təqdim olunduğunu, sənədin bu il qəbulunun gözlənildiyini qeyd edib.

Daha sonra 2009-cu ildə qaçaqmalçılıq, narkotik vasitələrinin qanunsuz dövriyyəsi ilə mübarizə, informasiya texnologiyalarının və qanunvericilik sahəsində görülən işlər barədə məlumat verilib, xidməti işdə fərqlənmiş bir qrup gömrükçü mükafatlandırılıb.